Өчигдөр буюу арван хоёрдугаар сарын 23-нд Дотоодын цэргийн 05-р ангийн Хугацаат цэргийн алба хаагчид нэгнийгээ зодож, дэглэж буй бичлэг цахим орчинд цацагдаж олны бухимдлыг төрүүлээд байна. Тэгвэл тус зодуулсан цэргийн аав байр сууриа илэрхийлжээ.
Тэрбээр “Эхнэр маань цахим орчинд тэр бичлэгийг хараад надад хэлсэн. Шууд цэргийн анги дээр нь яваад очсон. Хүү минь өдөржин дэглүүлж, яргалуулаад бүр нүднээс гарчихсан байна билээ. Орчин үед цэргийн дэглэлт гэж байхгүй болсон гээд хүү маань сайн дураараа явсан. Гэтэл бүр унатал, унатал цохиод байгаа байхгүй юу. Маргааш өглөө гэхэд үхчихсэн байвал яах вэ? Би хүүхдээ алгадаж ч үзээгүй шүү дээ” хэмээжээ.
Discussion about this post