Цагдаагийн Ерөнхий Газрын Урьдчилан сэргийлэх албанаас дараах сэрэмжлүүлэг мэдээллийг хүргэж байна.
Орон сууцны хорооллын гадна явж байсан иргэн нохойд хазуулж, хуруугаа таслуулсан гэх дуудлага мэдээлэл бүртгэгджээ.
Тодруулбал, энэ оны буюу хоёрдугаар сарын 07-ны өдөр иргэн О-г СХД-ийн нутаг дэвсгэрт байрлах орон сууцны хорооллын гадна алхаж явахад нь нохой дайрч хурууг нь тас хазаж гэмтээсэн талаарх гомдол мэдээлэл цагдаагийн байгууллагад бүртгэгдэн шалгагдаж байна.
Өнгөрсөн онд цагдаагийн байгууллага орчиндоо аюул учруулж болох амьтныг зохих хамгаалалт зүүлгээгүйгээс хүний эрүүл мэндэд хүндэвтэр, хүнд хохирол учруулсан гэх 60 хэрэгт мөрдөн шалгах ажиллагаа явуулсан байна.
Мөн нохойд хазуулж гэмтсэн 234 хүний гомдлыг шалгаж, Зөрчлийн тухай хуулийн 5.19-р зүйлд заасны дагуу нохойны эзэн холбогдогч нарт торгох шийтгэл оногдуулжээ.
Нохой нь бусдын биед халдаж хүндэвтэр, хүнд хохирол учруулах, улмаар бусдын амь насанд хохирол учруулсан бол Монгол Улсын Эрүүгийн хуулийн 20.15-д зааснаар нохойны эзэнд Эрүүгийн хариуцлага хүлээлгэх зохицуулалттай байдаг.
Discussion about this post