“Эрэл” группын ерөнхийлөгч Бадарчийн Эрдэнэбатын гэр бүлд үйлчлэгчээр ажиллах явцдаа учир битүүлгээр амиа алдсан Филиппин Улсын иргэн Террил Атиензагийн хэрэг олны анхааралд ороод байна.
Тус эмэгтэй амиа алдахдаа гаднаа олон тооны шарх, сорвитой байсан тухай баримт бий. Эхний эмэгтэй мөрдөн байцаагч солигдсоноор Шүүх шинжилгээний үндэсний хүрээлэнгийн гурван шинжээч хамтарч ажилласан байдаг. Тодруулбал, А.Амгаланболд, О.Сарангэрэл, Б.Ууганбаатар нар задлан шинжилгээ хийсэн. Улмаар, талийгаач эмэгтэйг хордлогоор нас барсан гэх дүгнэлт гаргажээ. Гэвч хорлогоор нас барсан гэж дүгнэгдсэн филиппин эмэгтэйн цогцос нутагтаа зүрхгүй, бөөргүйгээр тээвэрлэгдэж очсон байдаг.
Өдгөө эдгээр шинжээч нар хаана, юу хийж явааг олон хүн сураглаж буй.
А.Амгаланболд, 2019 Оны Үес ШШҮХ-Ийн Шүүх Эмнэлгийн Шинжилгээний Газрын Дэд Дарга, 2022 Оны Үес Шүүх Шинжилгээний Үндэсний Хүрээлэнгийн Ахлах Мэргэжилтэн, 2024 Оны Үес Шүүх Шинжилгээний Ерөнхий Газрын Шүүх Анагаах Ухааны Шинжилгээний Газрын Даргаар Ажиллаж Байгаа. Цагдаагийн Хошууч Цолтой Нэгэн.
О.Сарангэрэл, Өнгөрөгч 2024 Онд Тэтгэвэртээ Гарчээ.
Б.Ууганбаатар, Хаана Ямар Ажил Эрхэлж, Хэрхэн Амьдарч Байгаа Тухай Тодорхой Мэдээлэл Алга. Сураггүй Байна.
Террил Атиенза агсны нөхөр монголд ирчихсэн “Эхнэрийнхээ зүрхийг Монголоос олж чадна гэж итгэж байна” хэмээн ярьж байна. Зүрх, бөөр нь яасныг мэдэх учиртай хүмүүс бол дээрх гурван шинжээч гэж хэлж болно.
Мэдээллийн эх сурвалж: eguur.mn
Discussion about this post