Өргөдлийн байнгын хороо Хүүхэд хамгааллын тухай хуульд заасан хүүхэд үе тэнгийн дээрэлхэлтэд өртөхөөс урьдчилан сэргийлэх, хамгаалах арга хэмжээ авах заалтын хэрэгжилтийн талаар хэлэлцлээ.
Хуралдааны үеэр ХЗДХ-ийн сайд Б.Энхбаяр, “Дээрэлхэлт ямар нэгэн ял шийтгэлгүй биш. Тооцоо судалгаатай хандах ёстой. Заналхийлэх, бусдыг амиа хорлоход хүргэх, гэмтлийн зэргээр ял шийтгэл оноох зэрэг зүйл ангиуд байгаа. Үе тэнгийн дээрэлхэлтэд үүрүүлэх талаар бусад улсад ямар зохицуулалттайг судлах ёстой. Би хүүхдийг шоронжуулах бодлргын эсрэг байдаг. Мөн цахим гэмт хэрэг хяналтгүй болж байгаа. Ерөөс цахимд худал мэдээлэл тарааж байгаа эрүүгийн гэмт хэргийг шалгах үндэслэлгүй, хяналтгүй болсон. Тэр ч байтугай сая 16 настай хүүхдийн хэргийн сэвэлтийг гадаад улсаас хийгээд байсан. Тэгэхээр зохион байгуулалттай, өөр зорилготой үйлдлүүд ч байна” гэлээ.
Мэдээллийн эх сурвалж: eguur.mn
Discussion about this post