Ёс зүйгүй гишүүдийг эгүүлэн татах Ерөнхийлөгчийн хуулийг өнөөдөр хэлэлцэж эхэлнэ

Монгол Улсын Ерөнхийлөгч У.Хүрэлсүхийн санаачилсан УИХ-ын гишүүнийг эгүүлэн татах тухай хуулийн төслийг өнөөдөр (2026.04.07) 15.00 цагаас УИХ-ын Төрийн байгуулалтын байнгын хороогоор хэлэлцэх эсэхийг хэлэлцэж улмаар Пүрэв гарагт УИХ-ын чуулганы нэгдсэн хуралдаанаар хэлэлцэнэ.

Энэхүү хуулиар ёс зүйн ноцтой зөрчил гаргасан болон тангаргаасаа няцсан гишүүнийг Ёс зүйн дэд хороо, чуулганаар хэлэлцэн, Цэцийн шийдвэрээр эгүүлэн татах эрх зүйн орчныг бүрдүүлэх зорилготой.

Хуулийн төслийн гол онцлогууд:

1. Ёс зүйн хариуцлага: Тангаргаасаа няцсан, ёс зүйн ноцтой зөрчил гаргасан гишүүнийг эгүүлэн татах.
2. Шүүхийн шийдвэр: Гэмт хэрэг үйлдсэн нь шүүхээр тогтоогдсон бол эгүүлэн татна.
3. Жагсаалтын хариуцлага: Жагсаалтаар сонгогдсон гишүүн ёс зүйн зөрчил гаргавал хариуцлага тооцно.